何傲兒食福字阿膠補血 打靚個底

作者:Debra    發表日期:2017-03-24 12:03:02

做藝人話晒靠樣搵食,但捱更抵夜食無定時,要保持白滑肌膚是一大學問。何傲兒的肌膚白裏透紅,令人羨慕,她毫不保留分享護膚與調理身體的秘訣,除了外敷內服雙管齊下外,還全靠食福字阿膠補血養血、美白養顏來保靚樣!

何傲兒(Lily)樣靚身材正,而且擁有白滑細緻的肌膚,除了天生麗質,後天的保養亦十分重要,她說:「我哋做藝人工作時間唔定,又要捱夜,皮膚要靚真係唔容易,就算用幾靚嘅護膚品,都要個底靚先得,所以內外都好緊要,除咗做運動,仲要成日護膚,同埋我有食中成藥調理身體。」

唔再手冰腳凍
問到食甚麼補品?她滔滔不絕地說:「有朋友介紹咗我食福字阿膠,以前我個人長期氣血不足,手腳好冰冷,呢兩年食咗福字阿膠後,身體真係好好多,因為阿膠滋陰補血,長期食可以補血養血、美白養顏、延緩衰老、抗疲勞,仲可以提高免疫力,所以就算成日不停做嘢,個人都冇咁容易攰。阿膠仲有另一個好處,如果懷孕時食,可以話係安胎嘅良藥。」

注重健康飲食
保養方面,Lily亦做得十分全面,除了內服,外敷當然亦不能少,她說:「每個女仔都貪靚,我有個習慣,每日沖完涼都會敷Mask,有時皮膚太乾,上妝前會再敷多個,除此之外,基本嘅保養我都做齊晒,只要可以令皮膚靚,我乜都夠膽試。(飲食方面?)每日都飲好多水,食嘢好清淡,少食肉,食好多蔬菜同生果。好多人因為應酬多而容易肥,但我就啱啱相反,去應酬因為掛住傾偈,冇乜時間食嘢,反而會瘦。」

中國三大補品之一
阿膠是驢皮熬製出來的膠狀中藥及保健品,含大量膠原蛋白、蛋白肽及氨基酸等,自古被譽為「補血聖藥」,與人參、鹿茸並列中國三大滋補之物。阿膠分兩種,製備過程中沒有加入其他中藥材的稱為「清水膠」或「清膠」,另一種在製備過程中加入其他中藥材的稱為「藥膠」或「複方阿膠」。福字阿膠是「複方阿膠」的一種,加入陳皮、肉桂及砂仁等健脾消滯的藥材。

衞生署認證 信心之選!
阿膠價格不停上漲,令市場上出現不少偽品,有牛皮膠、豬皮膠、骨膠、廢皮膠等所製,所以選擇阿膠要特別小心。香港德勝行代理的「東阿龍標」福字阿膠,其生產商市值高達400億港元,亦投放了不少資源於鑄造阿膠方面,而且還是首批獲發衞生署中成藥註冊的阿膠產品,絕對放心食。


本文来源:http://hk.on.cc/hk/bkn/cnt/lifestyle/20170324/bkn-20170324112245339-0324_00982_001.html

本文固定鏈接: http://www.makeup-time.com/3966.html
轉載請注明:Debra 2017-03-24 12:03:02 於 綜合資訊站 發表

上一篇: :下一篇
返回頂部