電玩吹兩嘴:今春開打 話題手遊列陣

作者:Candice    發表日期:2018-03-10 19:39:03

上星期同大家介紹完幾款Switch小遊戲,見大家對《Overcooked》勁有興趣!其實呢個春季唔淨只Switch有優秀作品,就連手遊方面台灣、日本、韓國三地都有話題新作呢!就近近地問嚇大家,呢排大家「碌」Facebook嗰時,有沒有發覺有款遊戲嘅贊助帖子「老是常出現」先?而今次節目開頭就同大家講嚇呢款曝光率超高,又係用三國做題材嘅《將星之演武》啦!


以三國做題材手遊幾時都咁受港台玩家歡迎,加埋日系漫畫風格,唔講仲以為呢款《將星之演武》係Made in Japan呢!故事劇情以傳統三國,加入幻想元素。故事主角劉伯隱是名士蔡邕的徒弟,受師父之命投身戰場,與三國各路英雄相遇,面對左慈的邪惡計劃、受玉璽誘惑而失控的曹操、終極魔王項羽重回人間等,豪傑之爭一觸即發。遊戲基本以操作3位角色推進的即時戰鬥玩法,玩家要適時依靠走位來躲避攻擊或發動雙人合擊,行動爽快。此外過場劇情就以日系畫風演繹,官方仲講精彩程度媲美《火鳳》、《龍狼傳》咁話!

以《龍族拼圖》為人所熟悉的日本GungHo又有新作推出喇!今次係挑戰卡片對戰玩法的時之魔法《Chrono Ma:gia》。作品由《龍族拼圖》製作人山本大介出品,單是操作介面、合作畫師經已相當吸引。玩家從10位從時空之門降臨的魔法能力者挑選其一,收集200張以上生物卡和魔法/技能卡組成牌組,於桌面以最多3v3進行召喚戰鬥。玩家既可以自訂組合出強勁魔法,又持續召喚同一生物時更可提升血量和攻擊力。另外遊戲炮製了劇情戰鬥模式,讓玩家體驗單機故事,當然也提供練習賽和AI磨練牌組,甚至和網上玩家配對一決高下。話曬同類型遊戲《闇影詩章》已推出多時,唔想追落後不如入坑呢款《Chrono Ma:gia》啦。

韓國除了手機犀利之外,手遊質素同樣是世界級。去年紅遍亞洲的PC MMORPG遊戲《黑色沙漠》,最近就化成手遊《黑色沙漠Mobile》於2月底在韓國推出,聽講事前登錄人數更突破400萬人次,關注度超級高!據了解遊戲盡量以PC版內容進行移植,工程相當浩大,不只動作玩法,連華麗流暢的攻擊系統也一一奉上,從早前釋出的Trailer片段可見,手遊收錄了「戰士」、「遊俠」、「巫師」、「女武神」和「巨人」5個種族,而且戰爭場面不亞於《天堂》級數。單是開Game創造角色環節已有排你玩呢!未知港台玩家幾時有得玩呢?


本文來源:http://hk.on.cc/hk/bkn/cnt/lifestyle/20180310/bkn-20180310124233199-0310_00982_001.html

本文固定鏈接: http://www.makeup-time.com/90614.html
轉載請注明:Candice 2018-03-10 19:39:03 於 綜合資訊站 發表

上一篇: :下一篇
返回頂部